خواطر في حب مصر

·         بسم الله الرحمن الرحيم

هذه خواطر في حب مصر أهديها لكل من يحب أمنا الغالية مصر. لكل من يحب مصر حب حقيقي عقلاني وليس حب الدبة التي كانت تحب صاحبها وخافت عليه من ذبابة تقف على وجهه فألقت عليها حجراً كبيراً لتقتلها ولكنه بالطبع قتلته هو ... أهديها لكل من يعرف معنى النخوة والعزة والكرامة ... أهديها لكل من يعرف ماذا تعني كلمة مصر ... أهديها لكل من دافع أو يدافع أو سيدافع عن مصر.

كان يا ما كان ... كان يا ما كان
من 4 أشهر بس يعني مش من زمان
كان حاكمنا رئيس وطني طاهر بكل معنى الكلمة إنسان
بيخاف ربه وبيصلي الفجر في الجامع وحافظ القرآن
حبه لشعبه حب حقيقي مش حب اللي غاوي شُهرة أو حب الطمعان
كان كل همُّه يطهر البلد ويرفع شأنها بين الأوطان
وبكل هِمة اشتغل وكان توكاله على الرحمن
وما اهتمش بغِل عسكري حاقد أو قاضي أو فنان
واتعامل بكل ثقة ومحبة وعدل وقال الكُل عندي سِيان
مسلم مسيحي ... غني فقير ... وطنيتك هي الميزان
ولما بدأت الدنيا تحلو وريحة الطهارة ملت الغيطان
غدر بيه واحد إسمه على إسم حيوان
لابس بدلة الشرف لكنه من جُوة شيطان
خان الأمانة وقلب الحقايق وأوحى للشعب الغلبان
إنه مُنقذ الوطن من الظلم والطغيان
وزرع لهم الوهم والتزييف كام مليون فدان
وكان كِذبه واضح لكن تقول إيه لعبدة السلطان
قسيس وشيخ وقاضي يتفقو مع سكران ؟
معقول ... قسيس وشيخ وقاضي يتفقو مع سكران ؟
ولما فاق وسابهم لعنو أبوه وقالو إنه للأمانة خان
على فكرة ، كل اللي هللوله إما صاحب مصلحة أو فاشل أو تافه أو كسلان
كسلان اللي مش عارف يِفرَّق بين دكتور مهندس وواحد بليد خيبان
يا بني يا بنتي ... يا خويا يا أختي ربنا علِّمنا لا يغرنكم شنآن
الحكاية من أولها باينة ليه مصرين تكونو عميان ؟
ليه تهينو نفسكم وتكونو للخسيس الغدار أعوان ؟
البلد بتغرق والسَحَرَة والطبالين قُدوتهم هامان
ولو اللي ها يغرق فرعون لوحده كان الأمر هان
انتو مش شايفين اللي حاصل في العراق وسوريا وأفغانستان ؟
الأخ ها يقتل أخوه وف الآخر مفيش فايز الكل خسران
يا ناس فوقو بقى وبطلو تخافو من السَجَّان
ده العمر واحد والرب هو الواحد الديَّان
الدفاع عن مصر واجب بس على ولادها الشجعان
وكل واحد فينا دافع أو بيدافع أو ها يدافع عن حرية مصر هو على صدرها نيشان
أنا وانت وهي ... كلنا على صدرها نيشان
وف النهاية لازم الحق ينتصر والباطل ينهزم والنور يبان
واعرفو يا ولاد بلدي إن الخيانة والغدر عمرها ما تزرع بستان
الخيانة والغدر عمرها ما تزرع بستان
الخيانة والغدر عمرها ما تزرع بستان

Hazem Bahgat

 ملحوظة : كنت أتمنى إرسالها مسجلة صوتياً ولكني لم لا أعرف الطريقة.